Marketingowa towaršnosć Hornja Łužica-Delnja Šleska zwr
Prózdninski regionHospodarski regionKulturny regionRegionalny management

Přijězd

Do Hornjeje Łužicy dóstanjeće so cyle jednorje! Dźakowano dobrej, zwisowacej infrastrukturje móžeće cyły region bjez problemow wobjězdźić – z awtom, ćahom abo zjawnym bliskowobchadom.

Z lětadłom

Dźakowano bliskemu lětanišću Drježdźany móžeće Hornju Łužicu z lětadłom docpěć. Z lětanišća dojědźeće z ćahom abo awtom za něšto mjeńšin direktnje do regiona. Linija měšćanskeje železnicy S 2 zwjazuje terminal z dwórnišćomaj w Drježdźanach-Nowym měsće a z tamnišim hłownym dwórnišćom. Wot tam jězdźa regionalne ćahi do Hornjeje Łužicy. Na lětanišću su taksy a awta wšitkich mjezynarodnych přenajerjow awtow k dispoziciji. Dalše informacije k tomu namakaće na internetnych stronach lětanišća.

Lětanišćo Drježdźany

Z ćahom

Wšitke wulke centry Hornjeje Łužicy docpějeće spěšnje a přijomnje z Němskej železnicu a Wuchodoněmskej železnicu tzwr (ODEG). Aktualne jězbne plany namakaće na wotpowědnych internetnych stronach.

Němska železnica

Wuchodoněmska železnica tzwr

Z awtom

Do Hornjeje Łužicy dojědźeće sej jara derje po awtodróhach A 4 (z Drježdźan do Pólskeje), A 13 (z Berlina), A 17 (z Prahi) a po zwjazkowych dróhach B 6, B 9 (z Čěskeje Lípy, Čěska), B 96 (z Choćebuza), B 97 (z Choćebuza a Drježdźan), B 156 (z Běłeje Wody), R 35/178 (z Libereca, Čěska).

Zjawny bliskowobchad

Busowy wobchad organizujetej w regionje Zaměrowy zwjazk wobchadniskeho zwjazka Hornja Łužica-Delnja Šleska (ZVON) a Wobchadniski zwjazk Hornje Łobjo (VVO). Jězbne plany a dalše informacije namakaće w interneće.

Zaměrowy zwjazk wobchadniskeho zwjazka Hornja Łužica-Delnja Šleska

Wobchadniski zwjazk Hornje Łobjo

Daloke kolesowanske šćežki

Kolesowarjo móža Hornju Łužicu nimo toho po dalokich kolesowanskich šćežkach kaž “Kolesowanskej šćežce Wódra-Nisa” abo “Sprjewinej kolesowanskej šćežce” docpěć.

Dresden International (Flughafen Dresden)

Kontakt

Marketingowa towaršnosć Hornja Łužica-Delnja Šleska zwr
Humboldtstraße 25
02625 Budyšin

Telefon: +49 (3591) 4877-0
Telefaks: +49 (3591) 487748

info@oberlausitz.com

Přijězd: Hlej plan města pola Google Maps