Marketingowa towaršnosć Hornja Łužica-Delnja Šleska zwr
Prózdninski regionHospodarski regionKulturny regionRegionalny management

Kulturny region Hornja Łužica-Delnja Šleska

Nimo swojoraznych krajinow a přećelnych hosćićelow přeswědča Hornja Łužica předewšěm tež ze swojej fascinowacej kulturu.

Z kulturu po Hornjej Łužicy – to su atraktiwne poskitki za kulturnje zajimowanych pućowarjow po slědach Hornjołužiskeho zwjazka šěsćiměstow, sakralneje kulturneje ruty Via Sacra w třiróžku Němskeje, Pólskeje a Čěskeje a za zajimcow za jónkrótnu kulturu zahrodkarstwa Hornjeje Łužicy.

Skićeja so wšelakore kulturne dožiwjenja: koncerty wot jazza hač ke klasice, hudźbne swjedźenje a swjedźenske dny, dźiwadło na dóze, inscenacije ze swětłom a zwukom a jónkrótne předstajenja lětnjeho dźiwadła w Zhorjelcu, Budyšinje a Jonsdorfje w Žitawskich horach.

Serbsku kulturu a jeje nałožki a tradicije haja ludźo w dwurěčnej kónčinje mjez Budyšinom, Kamjencom, Wojerecami a Slepom. W Budyskim Němsko-Serbskim ludowym dźiwadle, jeničkim profesionalne dwurěčnym dźiwadle Němskeje, su prawidłownje předstajenja w serbskej a němskej rěči. Serbski ludowy ansambl bywa hósć na mnohich mjezynarodnych jewišćach.

Hač jazz abo klasiska hudźba, dźiwadło a nałožki abo elektroniske zwuki – paleta je šěroka a poskićuje so přez cyłe lěto. Přeprošujemy Was wutrobnje!

Kulturny rum tworitej wokrjesaj Budyšin a Zhorjelc. Najwyši gremij je kulturny konwent.

Narěčny partner je sekretariat kulturneho ruma.

Kontakt

Marketingowa towaršnosć Hornja Łužica-Delnja Šleska zwr
Humboldtstraße 25
02625 Budyšin

Telefon: +49 (3591) 4877-0
Telefaks: +49 (3591) 487748

info@oberlausitz.com

Přijězd: Hlej plan města pola Google Maps