Marketingowa towaršnosć Hornja Łužica-Delnja Šleska zwr

Hornju Łužicu wotkrywać

Wobwjazane domy - w tříróžku krajow za Łužicu typiska ludowa architektura -, běchu něhdy mnohim tkalskim swójbam bydlenski dom a zdobom dźěłarnja. Wopytowarjo su wutrobnje přeprošeni, sej dźensniše žiwjenje w tutych starodawnych murjach wobhladać. Podłu tematiskeje dowolniskeje čary „Rjemjesło dožiwić“ předstajeja prezentaciske rjemjeslniske dźěłarnje a firmy, kak běchu sej ludźo něhdy w tutej kónčinje swój wšědny chlěb zasłuželi: jako hornčerjo abo tkalcy, zhotowjejo módroćišć abo koše. Tym, kotřiž tajke rjemjesło hišće dźensa wobknježa, móža wopytowarjo radlubje při dźěle přihladować abo so w swojej kreatiwnosći sami pospytać.
Łužiska industrijna kultura poskićuje awtentiskosć cyle hinašeho razu: Industrijne muzeje, historiske mašinske domy a hišće dźěłace twornje dawaja dohlad do industrijneho předźěłanja.

Wobwjazany dom

Wobwjazany dom (Žórło: D. Berthold)